भजनसंग्रह 76

1परमेश्‍वरले आफैलाई यहूदामा प्रकट गर्नुभएको छ। इस्राएलमा उहाँको नाउँ महान् छ। 2उहाँको पाल शालेममा छ। उहाँको बासस्‍थान सियोनमा छ। 3त्यहाँ उहाँले धनुको काँड, तरवार, ढाल र युद्धका अन्य हतियारहरू नष्‍ट गर्नुभयो। सेला 4पर्वतहरूमाथि तपाईंले आफ्‍ना शिकारहरू मारेर ओर्लनुहुँदा तपाईं चम्‍किनुहुन्‍छ र आफ्‍नो माहिमा प्रकट गर्नुहुन्छ। 5साहसी हृदय भएकाहरू लुटिएका थिए। तिनीहरू मस्त निद्रमा परे। सबै योद्धाहरू असहाय थिए। 6हे याकूबको परमेश्‍वर, तपाईंले हप्काउनुहुँदा घोडाचढी र घोडा दुवै मस्त निद्रामा परे। 7तपाईंको, हो तपाईंकै भय मानिन्छ। तपाईं रिसाउनुहुँदा तपाईंको सामु को खडा हुन सक्छ र? 8स्वर्गबाट तपाईंले आफ्नो न्याय सुनाउनुभयो। पृथ्वी भयभीत र चूपचाप थियो। 9हे परमेश्‍वर, जति बेला तपाईं न्याय गर्न र पृथ्वीका सबै थिचोमिचोमा परेकाहरूलाई बचाउन उठ्नुभयो। सेला 10निश्‍चय नै, मानवजातिको विरुद्धमा तपाईंको क्रोधपूर्ण न्यायले तपाईंलाई प्रशंसा ल्याउनेछ। तपाईंको क्रोधबाट बाँकी रहेकाहरूले तपाईंले आफूलाई घेर्नुहोस्। 11परमप्रभु आफ्‍ना परमेश्‍वरसँग भाकल गर र ती पुरा गर। उहाँको वरिपरि भएका सबै जनाले उहाँलाई उपहारहरू ल्याऊन् जसको भय मान्‍नुपर्छ। 12उहाँले शासकहरूका आत्मा नाश पार्नुहुन्छ। पृथ्वीका राजाहरूले उहाँको भय मान्छन्।

पद नम्बरहरू छानिएको अनुवादअनुसार हुन्छन् र केही अध्यायहरूमा एक पदले फरक पर्न सक्छन्।