भजनसंग्रह 121

1पर्वतहरूतिर म आफ्‍ना आँखाहरू उचाल्नेछु। मेरो सहायता कहाँबाट आउनेछ? 2मेरो सहायता परमप्रभुबाट आउँछ, जसले स्वर्ग र पृथ्वी बनाउनुभयो। 3उहाँले तिम्रो खुट्टा चिप्‍लन दिनुहुनेछैन। तिमीलाई सुरक्षा दिनुहुने, उहाँ उँघ्‍नुहुनेछैन। 4हेर, इस्राएलको रक्षक न त उँघ्‍नुहुन्छ न त सुत्‍नुहुन्छ। 5परमप्रभु तिम्रो रक्षक हुनुहुन्छ। परमप्रभु तिम्रो दाहिने हातपट्टिको छहारी हुनुहुन्छ। 6दिनमा तिमीलाई सूर्यले हानि गर्नेछैन, न त रातमा चन्द्रमाले कुनै हानि गर्नेछ। 7पमरप्रभुले तिमीलाई सबै हानिबाट सुरक्षा दिनुहुनेछ र उहाँले तिम्रो जीवनलाई सुरक्षा दिनुहुनेछ। 8तिमीले गर्ने सबै कुरामा परमप्रभुले तिमीलाई अहिले र सदासर्वदा रक्षा गर्नुहुनेछ।

पद नम्बरहरू छानिएको अनुवादअनुसार हुन्छन् र केही अध्यायहरूमा एक पदले फरक पर्न सक्छन्।